قصيدة كل عام

غن لي ياورد واعزف ياحمام
وياقصايد أشعلي ذاك الشمٍع

وان سهرنا واكتمل بدر التمام
بان حسنٍك والحسٍنَ سيد البدَع

ليلة(ن) خطّت مواعيد الغرام
واصدَق الاحساس في قلبي طبع

كل عام(ن) وانت بي شوق وهيام
كل عام(ن) وانت شوفي والسمع

كل عام وكل عام وكل عام
وانت نورك في صدى عمري يشع

في عيوني لك معزّه واحترام
وفي خفوقي لك مفاهيم السنَع

الغلا في خافقي لك ماينام
والحشا الاشواق عنده تجتمع

والوله يرسل من عيوني سهام
وان قصَرت العين قلبي بك طمع

ماتعبت آصف لك عذب الكلام
بس خايف يَتْعبٍك لي تستمع

قلت ارد الشوق عن كثر الملام
واختصر لو ان قلبي ماشبع

كل عام(ن) وانت عمري والسلام
والحكايه ماتبي طرح وجمع
قم بالدخول لتعلق.